Google ADS

Firmino pritet t’i bashkohet Barcelonës si lojtar i lirë

09:19 | 11 Mars 2023
K.B

Roberto Firmino nuk do të qëndrojë në Liverpool dhe do të largohet si i lirë nga klubi anglez më 30 qershor kur i skadon kontrata aktuale, sipas Sky Sports.

Sulmuesi brazilian tashmë ka folur me trajnerin Jurgen Klopp për largimin e tij, duke e siguruar se do të “luftojë deri në momentin e fundit për Liverpoolin”.

Firmino tashmë po kërkon skuadra të reja për të filluar një aventurë të re, dhe sipas Onefootball, ai është në listën e Barcelonës.

Ai do të shkonte si i lirë në Camp Nou, do të plotësonte kriteret e nënshkrimit të një sulmuesi me kosto të ulët, në mënyrë që Robert Lewandowski të ketë mundësinë e pushimit duke shtuar edhe konkurrencën në pozicionin e qendërsulmuesit.

Barça po vëzhgon nga afër lojtarët që i vijnë në fund të kontratave, siç bëri më parë me Franck Kessien dhe Andreas Christensen. /telegraf

Shpërndaje në rrjete sociale

Lajmet më të lexuara

Të ngjashme

Foto lajm